பகவத் கீதையின் நகல், பிரதமர் நரேந்திர மோடியின் புகைப்படம் உட்பட 25,000 நபர்களின் பெயர்கள் சதீஷ் தவான் செயற்கைக்கோள் மூலம் விண்வெளிக்கு கொண்டு செல்லப்பட திட்டமிடப்பட்டுள்ளது. இந்த மாத இறுதியில் பி.எஸ்.எல்.வி (முனைய துணைக்கோள் ஏவுகலம்) மூலம் விண்வெளிக்கு கொண்டு செல்லப்படும்.
தி இந்துஸ்தான் டைம்ஸ் கருத்துப்படி, மாணவர்களிடையே விண்வெளி அறிவியலை ஊக்குவிப்பதற்காக உள்ள “ஸ்பேஸ் கிட்ஸ் இந்தியா” என்ற அமைப்பு இந்த நானோ சாட்லைட்டை தனிப்பட்ட முறையில் உருவாக்கியுள்ளது.
மூன்று முக்கிய காரணங்களுக்காக இது விண்ணில் செலுத்தப்பட உள்ளது – ஒன்று விண்வெளி கதிர்வீச்சை குறித்து ஆராய, இரண்டு காந்த மண்டலத்தை ஆராய்தல், மூன்று, குறைந்த சக்தி கொண்ட பரந்த-பகுதி தொடர்பு வலையமைப்பை குறித்த ஆராய்ச்சி.
இஸ்ரோவின் பரிந்துரைகளைத் தொடர்ந்து சில வடிவமைப்பு மாற்றங்கள் செய்யப்பட்ட பின்னர் இந்த தனியார் செயற்கைக்கோள் ஸ்ரீஹரிகோட்டாவில் உள்ள விண்கலத்திற்கு ஞாயிற்றுக்கிழமை கொண்டு செல்லப்படும். “செயற்கைக்கோளை அனுப்புவதற்கு முன் கடைசி நிமிட சோதனைகளை நாங்கள் நடத்தி வருகிறோம்.” என தெரிவிக்கப்பட்டுள்ளது.
