நாட்டில் மத நல்லிணக்கத்திற்கு எடுத்துக்காட்டாக விளங்கும் வகையில், பீகாரில் உள்ள ஒரு முஸ்லீம் குடும்பத்தார், மாநிலத்தின் கிழக்கு சம்பாரண் மாவட்டத்தில் உள்ள கைத்வாலியா பகுதியில் உலகின் மிகப்பெரிய இந்து கோவிலான விராட் ராமாயண் கோவில் கட்டுவதற்காக ரூ.2.5 கோடி மதிப்பிலான நிலத்தை நன்கொடையாக அளித்துள்ளனர்.
திங்களன்று செய்தியாளர்களிடம் பேசிய பாட்னாவை தளமாகக் கொண்ட மகாவீர் மந்திர் அறக்கட்டளையின் தலைவர் ஆச்சார்யா கிஷோர் குணால், நிலத்தை நன்கொடையாக வழங்கிய இஷ்தியாக் அகமது கான், குவஹாத்தியில் உள்ள கிழக்கு சம்பாரனைச் சேர்ந்த தொழிலதிபர்.
“கேஷாரியா துணைப்பிரிவின் (கிழக்கு சன்பரான்) பதிவாளர் அலுவலகத்தில் கோவில் கட்டுவதற்காக தனது குடும்பத்திற்கு சொந்தமான நிலத்தை நன்கொடையாக வழங்குவதற்கான அனைத்து பணிகளையும் அவர் சமீபத்தில் முடித்தார்” என்று முன்னாள் இந்திய காவல்துறை அதிகாரி குணால் செய்தியாளர்களிடம் கூறினார்.
திரு கான் மற்றும் அவரது குடும்பத்தினரின் இந்த நன்கொடை சமூக நல்லிணக்கம் மற்றும் இரு சமூகங்களுக்கு இடையிலான சகோதரத்துவத்திற்கு சிறந்த எடுத்துக்காட்டு என்று ஆச்சார்யா கூறினார். முஸ்லிம்களின் உதவி இல்லாவிட்டால் இந்த கனவுத் திட்டத்தை நனவாக்குவது கடினமாக இருந்திருக்கும் என அவர் மேலும் தெரிவித்தார்.
மகாவீர் மந்திர் அறக்கட்டளை இந்த கோவிலை கட்டுவதற்காக இதுவரை 125 ஏக்கர் நிலத்தை பெற்றுள்ளது. இந்த அறக்கட்டளை விரைவில் அப்பகுதியில் மேலும் 25 ஏக்கர் நிலத்தையும் பெறவுள்ளது.
215 அடி உயரமுள்ள கம்போடியாவில் உள்ள உலகப் புகழ்பெற்ற 12ஆம் நூற்றாண்டில் கட்டப்பட்ட அங்கோர் வாட் வளாகத்தை விட விராட் ராமாயண மந்திர் உயரமாக கட்ட திட்டமிடப்பட்டுள்ளது. கிழக்கு சம்பாரனில் உள்ள வளாகத்தில் உயரமான கோபுரங்கள் கொண்ட 18 கோவில்கள் இருக்கும். அங்கு கட்டப்பட உள்ள சிவன் கோவிலில் உலகின் மிகப்பெரிய சிவலிங்கம் அமைக்க திட்டமிடப்பட்டுள்ளது.
இதற்கான மொத்த கட்டுமான செலவு சுமார் ₹ 500 கோடி என மதிப்பிடப்பட்டுள்ளது. டில்லியில் புதிய பார்லிமென்ட் கட்டடம் கட்டும் பணியில் ஈடுபட்டுள்ள நிபுணர்களின் ஆலோசனைகளை அறக்கட்டளை விரைவில் பெறும் என அவர் மேலும் தெரிவித்தார்.
எப்போதும் பிரிவினை தொடர்பாக பேசும் பாசிச கோஷ்டியினர் உலகின் மிகப் பெரிய இந்துக் கோவிலைக் கட்ட நிலம் வழங்கிய முஸ்லிம் குடும்பத்தார் குறித்து ஏன் கருத்தை தெரிவிக்கவில்லை. இதை ‘லேண்ட் (நில) ஜிஹாத்’ என அழைக்கலாமா? என கூறி சமூக வலைத்தளங்களில் கருத்து தெரிவித்து வருகின்றனர் நெட்டிசன்கள்.
