அலிகார் முஸ்லீம் பல்கலைக்கழகத்தின் 25,000 மாணவர்கள் சேர்ந்து மத அடிப்படையிலான குடியுரிமை மசோதாவுக்கு எதிராக நாளை முதல் உண்ணாவிரதத்திற்கு அழைப்பு விடுத்துள்ளனர், இது மக்களவையில் திங்கள்கிழமை நள்ளிரவு நிறைவேற்றப்பட்டது, குடிமக்களின் தேசிய பதிவு (என்.ஆர்.சி)யை எதிர்த்தும் மாணவர்கள் கோஷங்களை எழுப்பினர்.
நாளை முதல் எல்லா கேண்டீன்களும் பூட்டப்படும் மொத்தம் 25000 ஹாஸ்டல் மாணவர்கள் உண்ணாவிரதத்தில் அமரப் போகிறார்கள், ”என்று அமைப்பாளர்களில் ஒருவர் செய்தியாளர்களிடம் கூறினார்.“ முஸ்லிம்களை மசோதாவில் இருந்து விலக்குவதும், நாடு தழுவிய என்.ஆர்.சி.யின் அரசாங்கத்தின் திட்டமும் சேர்ந்து அரசாங்கத்தின் இனப்படுகொலை நோக்கத்தை வெளிப்படுத்துகின்றன, என்பதை தெரிவித்துக்கொண்ட அவர், மாணவர்கள் பல்கலைக்கழகத்தை முழுமையாக பூட்டுமாறு அழைப்பு விடுத்துள்ளனர் என்றார்.. அவர்கள் இறுதி செமஸ்டர் தேர்வுகளை புறக்கணிக்கவும் திட்டமிட்டுள்ளனர்.
அலிகார் முஸ்லீம் பல்கலைக்கழகத்தின் துணைவேந்தர் மற்றும் பேராசிரியர்களுக்கு மாணவர்கள் என்.ஆர்.சி மற்றும் சி.ஏ.பி குறித்து மௌனம் காக்க காரணங்களைக் கோரி கோரிக்கை அறிவிப்பை வழங்கியுள்ளனர். “நீங்கள் CAB க்கு எதிரான மாணவர்களது போராட்டத்தில் சேரலாம் அல்லது நாங்கள் இதற்கு எதிராக எங்கள் குரல்களை எழுப்பும்போது எங்களுடன் சேராமல் தனியே நிற்கலாம்“ இந்த மசோதாவை நாங்கள் ஏற்க வழி இல்லை. இதனை எதிர்த்து போராடவேண்டிய கட்டத்தில் நாங்கள் உள்ளோம், இங்கே ஒவ்வொரு இந்துவும் ஒவ்வொரு முஸ்லிமும் ஒன்றாக இருக்கிறார்கள். இந்த போராட்டத்தை நாங்கள் கைவிடப்போவதில்லை என AMU இன் மாணவர் தலைவர் அஹ்மத் முஜ்தாபா தெரிவித்தார்.
இந்த பிரச்சினை நம் அனைவரையும் சமமாக பாதிக்கிறது, நாங்கள் இதை ஒன்றாக எதிர்த்துப் போராடுகிறோம். பேராசிரியர்கள் அவர்கள் யாருடைய பக்கம் என்பதை வெளிப்படுத்த வேண்டும் ”என்று சட்ட மாணவர் வர்தா பேக் கூறினார். கடுமையான எதிர்ப்புகளுக்கு மத்தியில்,அந்த மக்கள் விரோத மக்களவை திங்கள்கிழமை 311 வாக்குகளைப் பெற்று நிறைவேறியது. 80 எம்.பி.க்கள் இந்த மசோதாவுக்கு எதிராக வாக்களித்தனர். 2015 க்கு முன்னர் பங்களாதேஷ், பாகிஸ்தான் மற்றும் ஆப்கானிஸ்தானில் இருந்து இந்தியாவுக்கு வந்த முஸ்லிமல்லாதவர்களுக்கு இந்திய குடியுரிமை வழங்க மசோதா முன்மொழிகிறது.
என்ஆர்சி மற்றும் சிஎபி போராட்டம் தொடர்பாக அலிகார் முஸ்லீம் பல்கலைக்கழகத்தின் 20 மாணவர்கள் மீது எஃப்.ஐ.ஆர் பதிவு செய்யப்பட்டுள்ளது. மேலும் 144 தடை உத்தரவுகளை மீறி, பல்கலைக்கழக வளாகத்தில் உள்ள ஃபைஸ் கேட் அருகே போராட்டம் நடத்தியதற்காக 20 மாணவ தலைவர்கள் மற்றும் பெயரிடப்படாத 500 பேர் மீது செவ்வாய்க்கிழமை (10-12-19) இரவு காவல்துறை அறிக்கை தாக்கல் செய்துள்ளது குறிப்பிடத்தக்கது.
ஆக்கம் : நஸ்ரத்
