ஆர்.எஸ்.எஸ்-ஐச் சேர்ந்த ஆர்கனைசர் மற்றும் பாஞ்சஜன்யா ஆகிய பத்திரிகைகளின் 75 ஆண்டு விழாவைக் கொண்டாட ஏற்பாடு செய்யப்பட்ட ஒரு நிகழ்ச்சியில், பாஜக முதல்வர்கள் தங்கள் மாநிலங்களில் உள்ள பல்வேறு இஸ்லாமிய வெறுப்புத் திட்டங்களைப் பற்றிப் பேசினர்.
உத்தரப்பிரதேசத்தில் முதன்முறையாக ஈத் தொழுகை சாலைகளில் நடத்தப்படவில்லை, மேலும் பாஜக அரசின் நடவடிக்கையால் “மசூதி ஒலிபெருக்கியின் ஒலி குறைந்துவிட்டது” என்று முதல்வர் யோகி ஆதித்யநாத் கூறியதாக இந்தியன் எக்ஸ்பிரஸ் தெரிவித்துள்ளது.
“இப்போது, சாலைகளில் பெருநாள் தொழுகை நடத்தப்படுவதில்லை என்பதை நீங்கள் முதன்முறையாக அறிந்து கொண்டிருப்பீர்கள். இப்போது, மசூதிகளின் ஒலிபெருக்கியின் சத்தம் குறைந்துவிட்டது அல்லது ஒலிபெருக்கி முற்றிலுமாக அகற்றப்பட்டுவிட்டதாக நீங்கள் கேள்விப்பட்டிருப்பீர்கள்,” என்று யோகி கூட்டத்தில் இருந்த இந்துத்துவா பார்வையாளர்களிடம் கூறினார்.
அயோத்தியில் பிரமாண்ட ராமர் கோவில் கட்டப்படுவது குறித்து பேசிய உ.பி., முதல்வர், காசி விஸ்வநாதர் கோவில் மற்றும் மதுரா, பிருந்தாவன், சித்ரகூட் போன்ற இந்துக்களின் புனிதத் தலங்களுக்கான தனது திட்டங்களைப் பகிர்ந்து கொண்டார்.
மதரஸாக்களை மூடுவதும், பொது சிவில் சட்டம் கொண்டு வருவதும் முஸ்லிம்களின் நலனுக்காகவே என்று அசாம் முதல்வர் ஹிமந்த பிஸ்வா சர்மா கூறினார்.
இந்திய முஸ்லிம்கள் கல்வியில் முன்னேற வேண்டுமானால் “மத்ரஸா” என்ற வார்த்தை அழிந்து போக வேண்டும் என்று பிஸ்வா சர்மா கூறினார்.
வடகிழக்கு மாநில முதல்வர், மாநிலத்தில் அரசு நிதியுதவி பெறும் மதரஸாக்களை மூடும் பணியில் ஈடுபட்டுள்ளார்.
மேலும் என்ஆர்சி மற்றும் அசாம் மாநிலத்தில் “சட்டவிரோதமாக குடியேறியவர்கள்” பற்றி சர்மா பேசினார்.
உத்தரகாண்ட் முதல்வர் புஷ்கர் சிங் தாமி ஆர்எஸ்எஸ் நிகழ்ச்சியில், பொது சிவில் சட்டத்தை அமல்படுத்த தனது மாநிலம் “சிறப்புக் குழுவை” அமைக்கும் என்று கூறினார்.
உத்தரகாண்டில் ஊடுருவல்காரர்களை அடையாளம் காண ஒரு சிறப்பு குழு இயங்கி வருகிறது, என உத்தரகாண்ட் முதல்வர் புஷ்கர் சிங் மேலும் கூறினார்.
இவையே அந்த மாபெரும் சாதனைகள்.
