கொரோனாவை கட்டுப்படுத்த நாடு தழுவிய ஊரடங்கு உத்தரவு அமலில் உள்ள நிலையில் அதை சற்றும் பொருட்படுத்தாமல் கர்நாடகாவைச் சேர்ந்த பாரதீய ஜனதா கட்சி எம்.எல்.ஏ ஒருவர் தனது பிறந்த நாளை நூற்றுக்கணக்கான ஆதரவாளர்களுடன் கொண்டாடினார்.
கர்நாடகாவின் துமகுரு மாவட்டத்தில் துருவேக்கரைச் சேர்ந்த பாஜக எம்.எல்.ஏ எம்.ஜெயராம், ஒரு பெரிய கேக்கை வெட்டி குப்பி தாலுகாவில் உள்ள குழந்தைகள் உட்பட நூற்றுக்கணக்கான கிராம மக்களுக்கு விநியோகித்தார். கொண்டாட்டத்திற்காக அமைக்கப்பட்ட இறுக்கமாக கட்டப்பட்ட பந்தலில் விருந்தினர்களுக்கு பிரியாணியும் வழங்கப்பட்டது.
கடந்த மாதம் கர்நாடக மாநிலம் முழுவதும் மக்கள் கூடுவதை தடை செய்யும் உத்தரவை பிறப்பித்த கர்நாடக பாஜக முதலமைச்சர் யெடியூரப்பா, பெலகாவியில் நடந்த ஒரு பிஜேபி தலைவரின் திருமண விழாவில் கலந்து கொண்டார்.
அதேபோல மார்ச் 16 அன்று, நூற்றுக்கணக்கான காங்கிரஸ் கட்சியினர் புதிதாக நியமிக்கப்பட்ட மாநிலக் கட்சித் தலைவர் டி.கே.சிவகுமாரை கவுரவிப்பதற்காக ஒரே இடத்தில ஒன்று கூடி சமூக தொலைதூர விதிமுறைகளை மீறினர்.
